Tirada Maalmaha Uga Hadhay Wakhtigii Loo Doortay In Uu Xilka Madaxtinimada Hayo Madaxweyne Siilaanyo

 

 

Sunday, 25 January 2015 17:48

Aayahiina ka tashada Tolkaygoow

Bismilaahi raxmaani raxiim

Asalaamu calaykum wa raxmatulaahi wa barakaato,

Marka hore waxaan salaamayaa dhamaan bulshowaynta reer Awdal, Salal iyo Gabilay meel kastooy joogaan .Waxaa igu kalifay maqaalkan inaan qoro dhibaatooyinka isa soo taraya ee dhulkaygii hooyo ka jira..

Waxaan halkan jecelahay inaan dhawr arimod ka hadlo oo ku aadan arimaha ka jira gobolada Awdal, Salal iyo Gabilay. Waxaan jecelahay inaan la hadlo Beesha aan ka soo jeedo ee ah Beelwaynta SAMAROON.

Waxaan wada ogsoonnahay in waayadan danbe xaalada siyaasadeed ee dhulkii aay meel adag marayso. Waxaan sidoo kale ogsoonnahay in dhawaan Suldaan ka mida salaadiinta beesha Gedabuursi (Suldaan ABIBAKAR CILMI WABAR) isaga ooy ku wehelinayaan siyaasiyiin iyo wax garad ka soo jeeda gobolada galbeedka S/L oo haw hormuud u yahay mayorkii hore ee magalaada Boorama Siyaasi ABDIRAHMAAN SHIDE BILE ay ku dhawaaqeen madaxbanaanida Gobolada Galbeedka iyo inay ka go’een Maamulka Somaliland Go’aankaasi oo sobobo badan oo xaqiiqada cuskanaya.

Soomaalidu waxay tiraah dheriga waxaa karka ka keena kulayl. Cidna maanta ma inkri karto in Gedabuursi ku dulmanyahay dhulka aw degenyahay nasiib darase dadkeenii waxay noqdeen in iska indha tirta waaqaca jira iyo in been naftooda iyo dadkooga ku maaweelisa oo mishaharkooga ilaashanaya. Waxaa wax laga xumaado ah in maanta dadkeenu noqdaan dad ku kala qaybsan masiirka iyo mustaqbalka dhulkooga iyo caruurtooda.

Waxaa kaloo wax laga xumaado ah in maanta dad shisheeye ah ka faaidaysanayaan oo la isku dirayo dadkeenuna doorteen inay fahmi waayaan xaaladu siday tahay iyo waxa laga maagnyahay.

Divide and rule baa maanta loo adeegsanayaa Gedabuursina wuxuu doortay inay iyagu iscadaadiyaan halkay cadawga iyo shisheeyaha u tashanaya iska cadaadin lahaayeen eey iska dhicin lahaayeen.Sidoo kale Waxaa wax laga calool xumaado ah in maanta Salaadiintii, aqoonyahankii iyo wax garadkii beeshu xilkoogi gabeen ooy noqdeen kuwo iyagu dadka aay matalayaan kala jabiya oo kala kaxeeya halkay isku keeni lahaayeen yacni waa reer ba’aw yaa ku leh xaalku!!..Dad badan baa ku andacoonaya ammaan daraa dhulkii ka bilaabantay inuu sobob u yahay halganka Suldaan Wabar iyo xulafadiisa.

Dadka sidaa leh waa dad caqligooga yari siiyay inay sidaa u fikiraan waana dad ka fikiraya dantooda gaarka ah. Cida ka danbaysa maanta ammaan darada Boorama xaruntii amaanka Soomaaliya waa la ogyahay waa cida kuu diidan inaad xuquuqdaada sharcigu ku siiayay hesho waa cida dhalinyaradiinii bilaa shaqada ka dhigtay eey tahriib ku dhamaadeen, waa cida bilaa airport kaa dhigtay, waa cida kuu diidan inaad deked yeelatid ood u madax baanaanatid dhaqaalahaaga iyo wax soo saarkaaga, waa cida buurahaaga iyo khayraadka dhulkaaga adoo arkaya boobaysa eed waxba ka odhan kari laada’y, waa cida rabta inay xoog ku qabsato dhulkaaga isla markaana u sexeexaysa umad kale deegaanadaada qaarkood, waa cidii ku dhawaad 1000 qof ku xasuuqday magaalo madxda boorama maalin galinkeed, waa cida ilaa maanta dadkaaga waxba gaysan gawracayso markay doonto, waa cida cabashooyinkaaga iyo tabashooyinkaaga kaga jawaabaysa inay dabaal tegto iyo dhagax qalalan oo meel la dhigo, waa cida maanta ku le waxbaa iga maqan ma odhan kartid xoogna waad ku ogolaanaysaa maamulkayaga waayo waan kaa adkahay marwalba,waa cida maanta ciidanka ku dul dhigtay ee habeenkiina dadkaaga ugaadhsanaysa ee midiyaynaysa ,waa cida bandooga kugu soo rogtay, waa cida dhalinyarta dadkooga u hadlaya xabsiyada u taxaabaysa ee mudaaharaadkii silmiga ahaana u diiday, waa cida marna kuu ogolaanayn inaad madax la kacdo,waa cidaa…..waxaas oo dhana SNM waxay sexeexday shirkoogii 1993 halkaasi oo cunaqabatayn caadiya Gedabuursi lagu soo rogay cid wax ka tiraahna la waayay iyadooy odayaasheenu wada ogyihiin!!……..Hadaba isku soo wada duuboo tolkayoow maxaan runta uga meeraysanaa oon inagu iskugu meeraysanaa mar kaste.

Mise waxaan iska aaminaa waaqacan dhibaatada ku salaysan oo waxaan niraah waa qadar, Ilaahy baa quraankiisa ku sheegay oo Yiri SWT Ilaahay qowmna ama umad ma badelo ilaa iyagoo iyagu isbadela mooyaane. Tolkayoow indhahiina wax badan u fura maskaxdiinana si fiican u adeegsada una tudha mustqbalka dhalinta maanta iyo kuwa mustaqbalka soo socda Soomaalidu waxay tiraah nin shantaadu kaa celin sharci kaama qabto ilaa goorma uun baan ahaanaynaa dad masiirkooga u daba fadhiisnaya dad qayrkood ah inagoo og halkeen taariikhada kaga jirno iyo sideen u ahaan jirnay libaaxyada geeska Africa waayada qaar.

arintaasi murug iyo warwar wayn bay nagu haysaa hadaan nahay haweenka Gedabuursi. Tolkayoow Wax kaste xad bay leeyihiine aayihiina u tashada inigoo isku duuban waaqacan wax ka badela miyaadan cabasho iyo tabasho ka daalayn! . Dadkan maamulkan laanta samaystay waa dad iyaguba shalay dhib lagu hayay awgeed go’aan ku gaadhay oo maamul u gaara samaysatay dhibtii shalay aay diideen ayay rabaan inay dad sidooda ah ku istcmaalaan.

Maanta ayaad Samaroonoow fursad haysatiin eek a faaidaysta Fursaduna mar uun bay soo martaa bani aadmaka.Khaastan waxaan leehay dhalinyarta ha niyad jabina oo yaa jaahwareer la inigu ridine aayihiina ka tashada waayo mustaqbalku waa iniga!..

Suldaan WABAR iyo dhamaan HALGAMAYAASHA kale taageero ayay mudanyihiin waxay dhib kaste ugu talo galeen inay u maraan dadkooga siday dhibta lagu hayo ee curyaamisay uga bixi lahaayeen eey ugu abuuri lahaayeen dadkeena waaqac ka imika ka duwan oo barito lagu faano laguna raaxyasto ooy caruurteenu u aayaan Insha Allah. Ugu danbayntii Fadlan dadkaygoow Inigoo Ilaahay la kaashanaya midnimada xoojiya oo dhalinyarta jaahwareerka ka daaya umad dagaalami karayn oo ka cabsoonaysa waligeed guul ma gaadho waana lagu dul socon waligeed .

Cidna xoolo aay leeyihiin ma damcaysiin oo cidna ma dulmaysiin laakiin waa xaqiinii waxaad raadinaysiin taas ogsoonaada ILAAHAYNA MARNABA INIMA DAYICI DOONO waxaana hubaala in hadii la ini arko inigoo mida go’aan qudhana gaadhay in dib la iniiga joogsan doono.

Tolkayoow Guul iyo midnimaan inii rajaynayaa marwalba Guulaysta Insha Allah . WBT

Idil Ahmed

This email address is being protected from spambots. You need JavaScript enabled to view it.

Wixii Talo Iyo Tusaale Ah Noogu Soo Dir heemaalnews@gmail.com

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

Xulka Heemaal Ee Dhacdooyinka Caalamka

About Us

Dad weynahaan hanuuninaa, hasaawinaa, danta u hagnaa, ma hakranee waan u hawl galnaa. Habeen iyo dharaar hadaladaan dhisnaa, afkeena hooyo oo horumaraan ku haminaa, hogaaminaa, had iyo jeer habnaa, oo waan hagaajinaa, ma hakranee waan u hawl galnaa, murtidaan hurinaa, kala hufnaa, haqabtirnaa u heelanahay, dadweyanahaan hanuuninaa, hasaawinaa danta u hagnaa.

Buraanbur iyo hees, hello iyo ciyaar, gabayo haybadliyo hadhaale baanu hindisnaa, hurdadaan guyaal ka hajirnaa, naftayadaan hurnaa, ma hakranee waan u hawl galnaa, dadweynahaan hanuuninaa hasaawinaa danta u hagnaa

 

 

Contact Us

Waxaad nagala soo xidhiidhi kartaa e-mailka hoos ku qoran, 

  • Address

  • Email : This email address is being protected from spambots. You need JavaScript enabled to view it.

  • Phone1 :  
    Phone2 

 

 

 

Maxaa Cusub

  • Shirkii Midawga Afrika Uga Socday Magaalada Adisaababa Oo La Soo Gabagabeeyey Iyadoo Qoddobana Laga Soo Saaray Shir-madaxeedkii ururka Midowga Afrika ayaa lagu soo gunaanaday magaalada Addis Ababa ee xarunta…
  • Jose Mourinho Oo Ka Caawin Kara Cadowgiisa Mudada Dheer Rafa Benitez Inuu Helo Shaqada Paris Siant-Germain. Jose Mourinho ayaa ka caawin kara cadowgiisa mudada dheer Rafa Benitez inuu helo…
  • Ethopia Oo Horumar Balaadhan Ka Gaadhay Hub Samayska Kana Gadaysa Midowga Afrika (Daawo Warshada Hubka Iyo Warbixin) Ethopia Oo Horumar Balaadhan Ka Gaadhay Hub Samayska Kana Gadaysa Midowga Afrika (…