Wararka Af Soomaliga Ah

Alshabaab Oo Burbirinaysa Ceelasha Biyaha Iyo Adeegyada Caafimaadka Dagaanada Ay Ka Taliso

Mar 12, 2014
Alshabaab Oo Burbirinaysa Ceelasha Biyaha Iyo Adeegyada Caafimaadka Dagaanada Ay Ka Taliso

Cabdi Xasan Maxamed (Biyo Quute) oo Ahlusunna u qaabilsan Degmada Ceel-Buur, ayaa sheegay in Kooxda Al shabaab ay kala baxeen Ceelasha Biyaha Laga cabi jiray Matooradii iyo Qalabkii kale ee Biyaha lagu soo saarayay.

"Shacabka iyo Duunyada waxaa soo wajahay Dhibaatooyin dhanka Biyaha ah, iyadoo xilliga Kuleylaha lagu jiro oo aan Dadka haysan Illo kale oo Biyaha ka heli karaan,"ayuu yiri Biyo Quute.

Wuxuu tilmaamay in sidoo kale Al shabaab ay qaateen Mattooro Korontada looga dhalin jiray Isbitaalka Guud ee Degmada, oo sidoo kalena ay ku amreen Dadka inay Magaaladaasi isaga baxeen.

Dadka iyo Duunyada ku nool Degmada Ceel-Buur iyo Deegaanada ku hareereesan, ayaa cabi jiray Biyaha Ceelashaas lagala baxay Qalabkii ay ku shaqeynayeen, waxana ayna ku reebtay saameyn biyood.

Degmada Ceel-Buur, ayaa waxa hadda ka socda Barakac xoogan oo Dadka ay sameynayaan, iyagoo u qaxayaan Deegaanada ku dhow Magaalada, baqdin ah in Al shabaab ay dib uguu soo laabtaan oo ay Dilaan.

Horjoogiyaasha Kooxda Al shabaab ayaa isaga baxay Deegaanada iyo Degmooyinka ku yaalla Gobolada Hiiraan iyo Galgaduud, iyagoo ka baqaya in lagu qabto Howlgalka Military ee Ciidamada DFS iyo AMISOM.

Degmada Xarar-dheere ayaa waxaa buu dhaafiyay Maleeshiyaadka Al shabaab iyo Horjoogiyaashooda, iyagoo doonaya in halkaa dhanka Badda ugu baxsadaan Deegaanada Puntland.

Howlgal Labo Waji ah-mid dhanka Beledweyne ka yimid iyo mid dhanka Galgaduud ka yimid oo ay kala hogaaminayaan Ciidamada Jabuuti iyo Itoobiya ayaa ku wajahan Goobaha ay Al shabaab ka joogaan Hiiraan iyo Galgaduud.

Degmada Buulo Burde, ayaa Maanta sidoo kale laga soo sheegayaa in Al shabaab ay isaga baxeen oo Difaacyo ka qodonayaan Daafaha Magaalada, iyagoo doonaya in ay iska difaacaan Ciidanka Jabuuti iyo kuwa DFs oo kasoo dhaqaaqay Beledweyne, Xarunta Gobolka Hiiraan.

Al shabaab ayaa Dadka Deegaanka ugu hanjabay in ay dili doonaan Qofkii ku hara Magaalooyinka ay ka baxayaan ee Dalka, taasina waxa ay ku abuurtay Dadka Cabsi xooggan.

Wixii Talo Iyo Tusaale Ah Noogu Soo Dir heemaalnews@gmail.com

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn
WakhtigaSalaada Sxa

Somali Films

Mirqaanka Iyo
Ilaahay Umadiisa Part V
Ilaahay Umadiisa U Nabad Gali Sooraan Iyo Jawaan Part V
Ilahay Umadiisa Par IV
Axda Geedka Dhacaya