Thursday, 18 December 2014 15:47

madaxweyne xassan Oo Gaadhay Maagalada Kismaayo Siina Sagoontiyey Ciidamada Sieraleone Oo Dalkoogu Ku Noqonaya

Madaxweynaha Soomaaliya oo maanta gaaray magaalada Kismaayo ayaa gudaha garoonka diyaaradaha ee magaalada Kismaayo kulamo kala duwan kula qaatay saraakiisha AMISOM, madaxda maamulka KMG ah ee Jubba iyo weliba qaybaha kala duwan ee bulshada Kismaayo.

Madaxweeynaha oo ay wehlinayeen xubno ka tirsan golaha wasiiradda ee xukuumaddii kalsoonida lagala laabtay, odoyaal dhaqameed iyo xubno ka socday ururka haweenka ee gobolka Banaadir ayaa ugu horeyn ka qeybgalay xaflad lagu sagootinayay ciidamada Sieraleone ee ku sugan Soomaaliya oo ka dhacday saldhig ay ku leeyihiin gudaha garoonka diyaaradaha ee magaalada Kismaayo.

Munaasabadda ayaa waxaa ugu horeyn ka hadlay taliyaha ciidamada AMISOM ee qaybta Kismaayo, Jen. Alio oo sheegay in ciidamada Sieraleone mudadii ay joogeen Soomaaliya ay kaalin ka qaateen nabad ku soo celinta dalka.

Taliyaha ayaa sheegay inaysan hakan doonin howlgallada ay AMISOM ka wado Somalia ayna ku faraxsanyihiin marxaladda uu hadda dalka marayo isagoo sheegay in dowladda Soomaaliya oo kaashaneeysa AMISOM ay horumar ka sameeyay dagaallada ka dhanka ah Al-shabaab.

Madasha ayaa waxaa ka hadlay madaxweeynaha Soomaaliya, Xasan Sheekh Max’uud, kaasoo uga mahadceliyaya ciidamada Sieraleone howsha ay ka qabteen Soomaaliya mudadii ay dalka Joogeen, isagoo xusay in aysan ilaabi doonin dadaalkooda.

Madaxweeynaha ayaa sheegay in bixitaanka ciiidamada Sieraleone ay ka baxayaan Soomaaliya ay ka danbeeysay go’aan kasoo baxay Midowga Afrika iyo weliba duruuffo ka jiro dalkaasi oo ay ugu horeeyso cudurka Ebola ee faraha ba’an ku haya wadamada galbeedka Afrika.

Madaxweeynaha ayaa sidoo kale kulamo la qaatay madaxda maamulka Jubba iyo weliba qeybaha bulshada ku dhaqan magaalada Kismaayo, waxaana kulamadaasi looga hadlay sidii loo dardar gelin lahaa hannaanka dowladnimo ee ka hanaqaaday Soomaaliya iyo weliba sidii dowladda iyo shacabka isaga kaashan lahaayeen nabadda iyo horumarka dalka.

Ergayga gaarka ah ee Midowga Afrika u qaabilsan arimaha Soomaaliya Maman S. Sidikou oo isna qeyb ka ahaa wafdigii maanta soo gaaray magaalada Kismaayo ayaa uga mahadceliyay ciidamada Sieraleone qeybtii ay ka qaateen howlgalladii ay AMISOM ka waday Soomaaliya.

Ciidamada ka socda dalka Sieraleone ayaa ku sugan deegaano dhowr ah oo ka tirsan gobolka J/hoose oo ay kamid yihiin Degmada Kismaayo, Deegaanka Dhoobleey, Qooqaani, Taabto iyo weliba deegaanka Xayo, waxaana la filayaa in maalmaha foodda nagu so ohayo ay gabi ahaanba isaga baxaan Soomaaliya.

Madaxweynaha maamulka KMG ah ee Jubba oo ay saxaafadda weeydiisay cidda bedeli doonta ciidamada Siereleone ayuu sheegay in lagu bedeli doono ciidamo ka kala iman doona dalalka Itoobiya iyo Kenya.

Gabagabadii wafdigii uu hogaaminayay madaxweeynaha Soomaaliya ayaa dib ugu laabtay magaalada Muqdisho ee caasimadda dalka Soomaaliya.

Wixii Talo Iyo Tusaale Ah Noogu Soo Dir heemaalnews@gmail.com

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

About Us

Dad weynahaan hanuuninaa, hasaawinaa, danta u hagnaa, ma hakranee waan u hawl galnaa. Habeen iyo dharaar hadaladaan dhisnaa, afkeena hooyo oo horumaraan ku haminaa, hogaaminaa, had iyo jeer habnaa, oo waan hagaajinaa, ma hakranee waan u hawl galnaa, murtidaan hurinaa, kala hufnaa, haqabtirnaa u heelanahay, dadweyanahaan hanuuninaa, hasaawinaa danta u hagnaa.

Buraanbur iyo hees, hello iyo ciyaar, gabayo haybadliyo hadhaale baanu hindisnaa, hurdadaan guyaal ka hajirnaa, naftayadaan hurnaa, ma hakranee waan u hawl galnaa, dadweynahaan hanuuninaa hasaawinaa danta u hagnaa

Contact Us

Waxaad nagala soo xidhiidhi kartaa e-mailka hoos ku qoran, 

  • Address

  • Email : This email address is being protected from spambots. You need JavaScript enabled to view it.

  • Phone1 :  
    Phone2 

 

Maxaa Cusub