Sunday, 14 June 2015 00:22

Suladaanka Ugu Da'da Yar Salaadiinta Soomalida Oo Lagu Caleema Saaray Gobolka Nugaal, Noqday Suldaanka Guud Ee Beesha Maxamuud Cumar (Sawirro)

Suldaanka beesha Maxamed Cumar (Cumar Maxamuud) Suldaan Maxamed Suldaan Axmed (Hure) ayaa shalay lugu caleema-saaray deegaanka Jalam oo ka tirsan gobolka Nugaal.

Caleema-saarka suldaanka oo ka dhacday baliga Ruura,waxaa ka qayb-galay inta badan isimmada Puntland, nabadoono, wax-garad, ganacsato, mas’uuliyin dowladda ka tirsan, xildhibaanno, dhallinyaro, haween iyo qaybaha bulshada.

Islaan Ciise Islaan Maxamed Islaan Maxamuud oo daahfuray munaasabadda suldaanka cusub lugu caleema-saaray,waxuu sheegay inuu soo dhaweynayo una taageerri doono,waxuuna inta ku daray inay siin doonan talo ku aadan sadanada uu qaaday.

Suldaan Saciid Maxamed Garaase oo ay wada degan-yihiin suldaanka cusub,waxuu sheegay door muhiim ah inuu ka qaadan doono barbaarinta iyo wax u sheegida suldaanka cusub oo ah isinka ugu da’da yar isimmada Puntland.

Nabadoonka guud ee beesha Maxamed Cumar ee suldaanka soo dooratay, nabadoon Saciid Warsame Ciiraale (Soocadde) ayaa dhankiisa sheegay beesha inay isku raacday suldaankan oo dhaxaltooyo ku helay, maaddama uu aabihii ahaa suldaanka guud ee beesha.

Sababta suldaankan da’da yar ay u doorteen beesha Maxamed Cumar waxaa ay ku sheegeen inay tahay maaddama Maxamed Suldaan uu dhashay aabihii oo sadanada haya, ayna ka dhex muuqato inuu yahay qof ka soo bixi kara xilka loo dhiibay,walow ay jiraan awolaad ka weyn Maxamed oo u dhalay suldaan Axmed.

Suldaan Maxamed Suldaan Axmed (Hure) ayaa markii uu dhacay caleema-sarakiisa hadal kooban oo u jeediyay waxuu sheegay inuu noqon doono mid ku dhaqma cadaalad iyo sinaan, inta ka dibna waxuu u duceeyay dhammaan ummada Soomaaliyeed oo u illahay u waydiiyay inay noqdaan kuwo ku noolada nabad iyo barwaaqo.

Xildhibaan, Saciid Cabdi Samatar oo ka tirsan baarlamaanka Puntland iyo xildhibaan, Cabdiqaadir Xuseen Diriir ayaa dhankooda hadal ay munaasabadda ka jeediyeen waxaa ay sheegeen inay soo dhaweynayaan caleema-saarka suldaanka.

Guddoomiyaha gobolka Nugaal, Cabdullaahi Ciise Aw Maxamed, duqa degmada Garoowe, Axmed Saciid Geelle iyo guddoomiyaha degmada Burtinle, Liiban Xirsi Khaliif ayaa si la mid ah u sheegay inay soo dhaweynayaan suldaanka cusub ayna la shaqeyn doonan.

Isimmada ka qayb-galay ee munaasabadda ka hadlay:-

Islaan Ciise Islaan Maxamed Islaan Maxamuud

Suldaan Saciid Maxamed Garaase

Islaan Maxamed Islaan Yaasin

Ugaas Cabdi-salaan Jaamac Faarax

Suldaan Cabdullaahi Bokor Jaamac

Beeldaaji Cali Suldaan Salaad

Suldaan Cabdullaahi Maxamuud

Wakiilka Faqi Bashiir-Nabadoon Gorod Farax Xasan

Ugaas Cabdi Jaliil Cali Faarax

Suldaan Cabdullaahi Cali

Wakiilka Ugaaska ( Yuusuf Daarood)-Cali Geelle Maxamed

Wakiilka Suldaan Saciid- Axmed Jaamac Maxamed

Wakiilka Beeldaaje Cali

Nabadoonada ka qayb-galay ee munaasabadda ka halay:-

Nabadoon Yaasin Cabdisamed

Nabadoon Gaani Xuseen Saciid

Nabadoon Mursal Xuseen Nuur Dirir

Nabadoon Cabdirashiid Sugule (Xabsay)

Nabadoon Jaamac Yuusuf

Nabadoon Saciid Cabdullaahi (Gaamburi)

Nabadoon Saciid Warsame Ciiraale (Soocadde)

Nabadoon Sheekh Yuusuf Cabdirixmaan Afguriye

Nabadoon Maxamed Daahir Maxamed Garaase

Nabadoon Saciid Xaaji Cabdalle

Madax dhaqameed fara badan ayaa caleema-saarka suldaanka cusub ka hadashay, kaaso u dhacay qab loo agaasimay si weyn,waxaana lagu soo bandhigay sugaan kala duwan oo lugu ammaanay suldaanka iyo munaasabadda lugu caleema-saaray.

Buuxi Shaxda midigta Ama E-mailka Hoos Ku Qoran Nagala Soo Xidhiidh

This email address is being protected from spambots. You need JavaScript enabled to view it.

 

  Mail is not sent.   Your email has been sent.