Thursday, 18 December 2014 19:15

Wasiiro Kulan Ay Albaabadu U Xidhan Yihiin La Yeesheen Madaxda Laamaha Dawlada Ee Gobolka Awdal Iyo Laga Wada Hadlay(Sawiro)

Kulanka maanta ay wada yeesheen Isuduwayaasha laamaha dawlada ee gobolka Awdal iyo Wasiirada kala ah Wasiirka Gaashaandhiga Md. Axmed X. Cali Cadami, Wasiirka Duulista Md. Maxamuud Xaashi Cabdi, Wasiirka Beeraha Prof. 

Faarax Cilmi Geedoole Wasiirka Xidhiidhka Golayaasha Cali Xaamud Jibriil, Xogahaya Guurtida Md. Cabdilaahi Habane oo ay weheliyaan Badhasaabka Gobolka Awdal  waxa uu ahaa mid ay albaabadu u laabnaayeen oo aan saxaafada loo ogolayn, waxana illo wareedyo goobjoog u ahaa kulankaasi ay sheegeen in ujeedadiisu ay ahayd hubinta qaab shaqeedka wasaaradaha heer gobol iyo dardargalinta kaalinta ay ku leeyihiin nabadgalyada sugideeda.

Kulankan ayaa waxa lagu soo waramayaa in uu qaatay saacado dheer isla markaana ay labada dhinac ee kulanka wada yeeshay ay ku gorfeeyeen xaalada uu gobolka Awdal ku sugan yahay iyo sidii loo muujin lahaa waxqabad ka tayo badan kan maanta ka muuqda laamaha Boorama.

Dhinaaca kale isuduwayaasha laamaha dawdalada iyo badhasaabka Awdal oo isku dhinac ah ayaa waxa ay ku tilmaameen xaalada ay ku shaqeeyaan mid aad u adag duruufaha shaqaduna ay aad u adag yihiin, waxa intan dheeraa oo aan meesha ka maqnayn in madaxda heer gobol ee kulanka ka qayb qaadatay ay ku gar naqsadeen inay marwalba soo gudbiyaan cabashooyin badan oo ku aadan xaaladooda shaqo balse ay marwalba dalabyadoodu noqdaan kuwo aanan midho dhalin, baaqina ku ah ilaa maanta xarumaha dhexe ee wasaaradaha heer qaran ee Hargaysa.

Marka laga yimaad doodaas hore loo maqli jiray ayaa waxa uu gundhiga kulankoodu noqonay in nadada laga shaqeeyo sidoo kalena wacyigalin balaadhan oo ku aadan ilaalinta nanada la gaarsiiyo bulshada qaybaheeda kala duwan gaar ahaan, dhalinyarada iyo ardayda dugsiyada oo ah cudud balaadhan oo u baahan in loo jiheeyo dhinaca wanaagsan isla markaana laga jeediyo dhinaca qalooca iyo u dhag taaga qaybaha tirsan eequrbojooga ah ee dhalinta galinaya fariimaha guracan ee aan qarankan ehelka u ahayan.

Si kasta oo ay ahaataba  kulankan ayaa waxa uu ku soo beegmayaa waqti ay xaalada gobolka Awdal tahay mid baaxaadagaysa, isla markaana ay wasaaradaha ay maanta iskaashiga shaqo ee dawladeed ka dooneen wasiiradani ay yihiin kuwo xaalkoodu yahay mid laga dayrinayo isla markaana ay aad u liidato fulinta hawlaha shaqo ee ay wasaaraduu u qaabilsan yihiin dawlada dhexe, waxana hubaal ah inay arinta shaqada ee fadhiidka noqotay ay salka ku hayso, gaadiin la’aan, xafiisyo la’aan, miisaaniyad la’aan iyo amuuro kale oo aad u badan oo xayndaab ku noqday gudashadii shaqo ee loo xilsaaray isuduwayaasha laamaha dawladeed ee gobolka Awdal gudihiisa looga yaqaan badidooda Xafiisyada Wareega”

Maxamed Bili bili

Heemaalnews

Boorama

Wixii Talo Iyo Tusaale Ah Noogu Soo Dir heemaalnews@gmail.com

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

About Us

Dad weynahaan hanuuninaa, hasaawinaa, danta u hagnaa, ma hakranee waan u hawl galnaa. Habeen iyo dharaar hadaladaan dhisnaa, afkeena hooyo oo horumaraan ku haminaa, hogaaminaa, had iyo jeer habnaa, oo waan hagaajinaa, ma hakranee waan u hawl galnaa, murtidaan hurinaa, kala hufnaa, haqabtirnaa u heelanahay, dadweyanahaan hanuuninaa, hasaawinaa danta u hagnaa.

Buraanbur iyo hees, hello iyo ciyaar, gabayo haybadliyo hadhaale baanu hindisnaa, hurdadaan guyaal ka hajirnaa, naftayadaan hurnaa, ma hakranee waan u hawl galnaa, dadweynahaan hanuuninaa hasaawinaa danta u hagnaa

Contact Us

Waxaad nagala soo xidhiidhi kartaa e-mailka hoos ku qoran, 

  • Address

  • Email : This email address is being protected from spambots. You need JavaScript enabled to view it.

  • Phone1 :  
    Phone2 

 

Maxaa Cusub