Hayada Muhaajiriinta caalamiga ee IOM ayaa soo saartay in inka badan hal milyan oo tahriibayaal ah sanadkan sii dhamaanaya ee 2015 galeen wadamada qaarada Yurub, kuwaasi oo badankood dhanka badda maray.

Hayada ayaaa shaaciyay in dadkaasi tagay wadamada qaarada Yurub sanadkaan ay yihiin kuwi ugu badnaa ee tahriib ku taga wadamada qaarada Yurub tan iyo dagaalkii labaad ee dunida oo dhamaaday sanadkii 1945.

Inka badan 5,100 tahriibayaaal ah ayaa ku dhintay sanadkaan biyaha badda xiliga ay ka gudbayeen, waxaana qaarkood la qalibantay doonida ay la socdeen.

Dhalinyarada Soomaaliyeed ee ka tahriibay dalka Soomaaliya ayaa kamid noqday 10-ka badan ee Africa ku yaala uguna badan tahriibayaasha sanadka galay dalalka qaarada Yurub, waxaana wadamada Africa la sheegay in kala bar dadkii tahriibay ay baddaha ku dhinteen.

Hayada ayaa waxay sheegtay iney gacan weyn ka geysatay sidii loo badbaadin ahaa tahriibayaaasha qaarkood, waxayna soo qaadatay howlgalka loogu magacdaray magaca gabar Soomaaliyeed oo badda ku dhex dhalatay xili tahriibayaal la badbaadiyay oo lagu magacaabo Safiya.

Ciidamada badda ee Germany ayaa Sabtidi lasoo dhaafay baahiyey in labo markab oo dowlada leedahay ay badbaadiyeen inka badan 10,000 oo tahriibayaal ah sanadkaan sii dhamaanaya.

Buuxi Shaxda midigta Ama E-mailka Hoos Ku Qoran Nagala Soo Xidhiidh 

This email address is being protected from spambots. You need JavaScript enabled to view it.

 

  Mail is not sent.   Your email has been sent.

We use cookies to improve our website and your experience when using it. Cookies used for the essential operation of this site have already been set. Cookie policy. I accept cookies from this site.Agree